Aray ko!

Ansama pala ng feeling pag sinasabihan kang maganda kapag ang litrato mo ay photoshopped.  Pareho lang ng feeling pag sinasabihan kang maganda kapag naka-make-up ka or magara ang suot mo. Pero walang tatalo sa sama ng pakiramdam kapag sinasabihan kang maganda matapos mong marinig na sabihan ring maganda yung pangit na katabi mo! Hahahahahaha!

Ginawang isang malaking basurahan ang Cavite

More or less 20 minutes akong nasa likod nitong Pajero (VGP 888) na ito kanina. Sa sampung kilometro na tinakbo namin, tatlong beses na may lumipad na basura mula sa bintana ng Pajero.  Una, isang plastic supot.  Di nagtagal, sinundan ito ng isang bote ng C2. Pagkalipas ng ilang minuto, isa pang bote ng C2 ang tinapon nila sa kalye.  Tsk tsk tsk.   

So yung rugby team underwear billboards bawal, pero ito hindi?

Sorry, hindi pa rin ako over sa pagkakatanggal ng mga billboards ng Volcanoes, masama pa rin ang loob ko.  Hahahaha!

SENXA na, hindi AQ sanay

“2 staxons away po aq”

‘Yan ang mga tumataginting na salitang bumati sa mga mata ko nang silipin ko ang aking celphone.  Nagdilim ang aking paningin. Nagsikip ang aking dibdib. At hindi ko naawat ang aking sarili sa pag-reply.

“Do not text me using Q instead of KO.  I think it’s disgusting.”

Masyado akong napuno ng emosyon na hindi ko na nakumpleto ang aking message. Di ko naidagdag na naiirita rin ako sa ganu’ng paraan nang pag gamit ng “X”.

Sinagot niya ako ng “sige po”.

Is it just me or talaga bang nakakainis ang ganyang klase ng pagsi-spell? Matatawag na bang jEjEmON ‘yan kahit hindi pinaghalo ang mALiIt At mAlAKinG LetRA?  Jejemon ba ‘yan kahit walang mga extra na H as in “nandito na akoH” at walang extrang W at Z as in “salamat powz”

Kung anuman ang tawag eh basta, hindi ko gusto! Super hate ko siya, with the same level of detest that I have for ill-constructed phrases such as “dito na me” and “where na you?”.  

Pero tama bang mainis ako? Mali ba ang ganu’ng paraan ng pananalita? Mali ba ang ganu’ng paraan nang pag-spell?

Hindi kaya’t ‘yan na ang tinatawag na evolution ng wika? Hindi kaya’t tumatanda na talaga ako kaya’t hindi ako makasabay sa pagbabago? Sa larangan ng musika ay napag-iwanan na ako.  I’m stuck in the 80’s and 90’s.  Si Vanilla Ice at Milli Vanilli pa rin ang sinasayawan ko. Running Man at Roger Rabbit pa rin ang alam kong dance steps. Baka naman ganu’n din ako sa wika.

Hindi kaya’t mali ang pagpigil ko sa kanya na gumamit ng Q imbes na KO? Dahil sa ginawa kong ‘yun, hindi kaya ako naging instrumento sa pagpigil nang paglago ng ating wika?

Malay niyo, balang araw ay ‘yun na maging ang norm at ako naman ang masabihan na ang makaluma kong spelling ay disgusting.

Pag nagkataon, ano kaya ang isasagot ko?  

Maiintindihan at patatawarin kaya nila ako kapag sinabi kong “SENXA na, hindi AQ sanay”?

Kung mabilis ka tumakbo, puede ka maging snatcher

630pm pa lang ay nakabukas na ang TV sa ABS-CBN kasi inaabangan ko ang Rated K.  Isa sa mga segment nila ay ang rags-to-riches na storya ng buhay ni Mr. Larry Cortez, isa sa may-ari ng restaurant group na kinabibilangan ng Chef’s Quarter, Kuse, Old Vine, Beurre Blanc, at Uncle Cheffy.

Abala kami sa pagkain ng hapunan nu’n kaya’t di namin masyadong pinapansin ang kasalukuyang pinapalabas na Goin’ Bulilit.  Pero napilitan akong manood nang marinig ko sa isang segment ang mga salitang… “Kung ang bata ay mahilig maglaro ng kotse, baka maging race car driver siya o carnapper”  Hindi eksaktong ganyan ang mga salita pero pareho lang ang idea.  Sa puntong ‘yon ay napatigil na rin sa daldalan ang tito, tita, at lolo ko at napatingin sa TV.

Tamang-tama namang sinasabi ng narrator na “kung ang bata ay mabilis tumakbo, baka maging athlete o snatcher.”  Habang nagna-narrate siya ay pinapakita ang isang bata na mabilis tumakbo at nang-snatch ng gamit.

Nagkatinginan kaming lahat, sabay taas ng kilay.  Ano ‘yun?

Sa susunod na eksena, pinakita ang narrator na nagpapaalala sa kahalagahan ng pag gabay ng magulang at kung pa’no ito maaaring maka-apekto sa kinabukasan ng mga bata.  Hindi ko gaano nakuha ang lahat ng sinabi niya pero mukha namang maganda ang intensyon ng Goin’ Bulilit sa nasabing segment. Kaya lang parang hindi yata tama ang naging venue at paraan.  

Kasama naming nanonood ang pinsan kong 7 years old at paulit-ulit niyang ginaya ang sinabi nung narrator “kung mabilis ka tumakbo, puede ka maging snatcher, kung mabilis ka tumakbo, puede ka maging snatcher”. Tawa pa siya nang tawa. 

Pero kami, hindi natawa.

Bakit ako? Diba?

Sa pagkalat ng video na ito ni Christopher Lao, "I should have been informed" has become the new "major major".  Bukambibig ng lahat ang "I should have been informed".  Basta't puedeng isingit sa usapan ay isisingit. Hangga't puedeng gamitin ay ginagamit. 

Seriously, I don't understand why it got so much attention. 

I think, more than "I should have been informed", mas maganda yung "Bakit ako? Diba?".  Watch the video again and tell me what you think.

Una pa lang, 'yun na ang nakatawag ng aking pansin. Ang ganda ng pagkasabi niya! With much exasperation at matching frustrated chuckle pa. And the expression on his face, talagang matindi ang conviction niyang hindi dapat siya tinatanong ng ganu'n, na wala siyang sala sa nangyari, na hindi kataka-takang nilusong niya ang baha. Solid ang pagka-BAKIT AKO? niya!

I've read his statement talking about sleepless nights and thanking those who have showed him support during these trying times. Pero palagay ko, hindi 'yun ang statement na hinihintay ng bayan.  Malamang, tulad ko, maraming ang hanggang ngayon ay nagtataka pa rin at gusto siyang tanungin...hanggang ngayon, talaga bang sa tingin mo eh hindi mali yung ginawa mo?

Kapag nakilala ko siya eh tatanungin ko talaga siya. O baka naman sabi ko lang 'yun.

Parking mystery

Bakit kaya ganyan ang pagka-parada? Pati yung parking spaces sa likod niya eh nasakop din, hindi na rin maparadahan ng iba. Bakit kaya kailangang sakupin ang apat na slots?